Бүгін Сырым ауданы Жымпиты ауылында облыстың тарихшылары мен өлкетанушыларының қатысуымен «Тағзым мен тағдыр: 31 мамыр қасіреті» атты конференция өтті.
Шара қатысушылары «Алаш» мұражайына шолу жасап, ескерткіштерге гүл шоқтарын қойып, қуғын-сүргін құрбандарының рухтарына тағзым етті.
Конференцияға Жәңгір хан атындағы БҚАТУ аға оқытушысы, тарих ғылымдарының кандидаты Хайдаров Есқайрат Ерболатұлы, қоғамның белсенді азаматы, БҚО халық шығармашылығы орталығының маманы Нұрлан Сәдір Қуанышұлы, Қ.Мырзалиев атындағы орта мектептің тарих пәнінің мұғалімі Арыстанов Мұқат Қайыржанұлы, «Ақ жол» партиясының өкілдері, қуғын-сүргін құрбандарының ұрпақтары қатысып сөз алды.
Сонымен қатар, Орал қаласындағы Ж.Досмұхамедов атындағы колледждің студенттері қатысып, өз пікірлерімен бөлісті.
Шара соңында конференцияға қатысушыларға аудан әкімінің атынан алғысхаттар және Сырым аудандық кітапханасына сыйлыққа кітаптар табысталды.
Сырым аудандық ішкі саясат бөлімі
