2025 жылғы мамырда 128,1 мың бірлік автокөлік құралы есепке қойылды, оның ішінде жеңіл автомобильдер – 113 мың бірлік, жүк автомобильдері – 8 мың бірлік, автобустар – 1,4 мың бірлік және мототранспорт – 5,7 мың бірлік. Бұл туралы Қазақстан Республикасы Стратегиялық жоспарлау және реформалар агенттігі Ұлттық статистика бюросы жазды.
Сурет: gov.kz
2025 жылғы 1 маусымдағы жағдай бойынша Қазақстанда тіркелген автокөлік құралдарының саны 6 302,5 мың бірлікті құрады, оның ішінде 86,5% – жеңіл автомобильдер, 9,7% – жүк көліктері, 1,9% – автобустар мен мотокөліктер – 1,9%.
Пайдаланылатын отын түрі бойынша автокөліктердің 82% бензинмен жүреді, 7,1% аралас отын есебінен қозғалады, 7,1% – дизель отынымен, 0,3% – газ баллонымен, тағы 0,3%-ы электр қуатымен (немесе 17 164 бірлік көлік) жүреді.
Былтырғы мамыр айымен салыстырғанда бензинмен жүретін автокөліктер саны 15,3%, дизель отынымен жүретіндер 13,9%, газбен жүретіндер 36,2%, аралас отынмен жүретіндер 9,3% өскен. Бұл ретте электромобильдер саны бір жылда 66,9% артқан.
.png)
1)Қазақстан Республикасы Ішкі істер министрлігінің деректері бойынша.
