Бөкей орда аудандық мәдениет үйінде Мемлекеттік қызметшілер, полиция және сот саласы қызметкерлері күніне арналған салтанатты жиын өтті.
Аудан әкімінің міндетін атқарушы Кенесары Нұршинов салтанатты жиында сөз сөйлеп, айтулы мерекемен құттықтады. Өнімді қызметімен көзге түскен бірқатар маманға облыс әкімі Нариман Төреғалиевтің, аудан әкімі Нұрлыбек Даумовтың алғысхаттарын табыс етті. Айта кетелік, мереке күні марапат алған сала мамандарының ата-аналары да марапатталды.
Полиция қызметкерлері де марапатқа ие болды. Солардың бірқатарына аудандық полиция бөлімі бастығының орынбасары С.Қамешов полиция департаменті және бөлім бастығының алғысхаттарымен марапаттаса, аталмыш саланың ардагерлеріне мерекелік медальдерді “Ішкі істер органдары саласы ардагерлері” қоғамдық бірлестігінің аудандық филиалының төрағасы К.Ғайсин табыс етті. Салтанатты жиын мерекелік концертпен жалғасын тапты.
Арайлым Есмағұлова,
Бөкей ордасы ауданы
