Батыс Қазақстан облысындағы эпидемиологиялық жағдайы
2025 жылдың алғашқы 6 айында Батыс Қазақстан облысында 18 жағдай қызылша ауруы тіркелді.
Оның ішінде:
- 11 жағдай – 14 жасқа дейінгі балалар арасында,
- 61% немесе 11 жағдай – түрлі себептермен егілмеген адамдар арасында анықталған.
Бұл көрсеткіштер халық арасында вакцинацияның жеткілікті деңгейде жүргізілмегенін көрсетеді және қосымша профилактикалық шараларды қажет етеді.
Қызылшаның қауіптілігі
Қызылша – өте жұқпалы вирустық инфекция. Бір науқас адаммен байланысқан егілмеген адамдардың 90%-дан астамы ауру жұқтырады.
Аурудың асқынуы ретінде пневмония, энцефалит, диарея, көздің көру қабілетінің төмендеуі, тіпті өлім жағдайлары да кездеседі.
Әсіресе 5 жасқа дейінгі балалар мен вакцина алмағандар қауіп тобында.
Алдын алу жолдары
Қызылшаның ең тиімді алдын алу әдісі – екпе алу.
- Вакцинаның екі дозасын алған адамдардың 97%-дан астамында тұрақты иммунитет қалыптасады.
- Егер науқаспен байланыс болса, алғашқы 72 сағат ішінде екпе салу аурудың алдын алуы мүмкін.
Сонымен қатар, науқаспен қарым-қатынаста болған адамдар 21 күнге дейін медициналық бақылауда болуы тиіс.
Халыққа ұсыныстар
- Балаларыңыздың екпе күнтізбесіне назар аударыңыз, екі дозаның да салынғанына көз жеткізіңіз.
- Қауіп аймақтарына немесе шетелге шығу алдында вакцина статусыңызды тексеріңіз.
- Ауру белгілері (қызба, бөртпе, жөтел, көздің қызаруы) байқалғанда дереу дәрігерге қаралыңыз.
Қызылша – алдын алуға болатын, бірақ жеңіл қарауға болмайтын инфекция.
Жаппай вакцинация – аурудың таралуын тоқтатудың жалғыз жолы.
Өз денсаулығыңызды және жақындарыңызды қорғау үшін уақтылы егілуді ұмытпаңыз!
Назгүл Ажмұратова,
БҚО Санитариялық эпидемиологиялық бақылау департаментінің,
инфекциялық және паразиттік ауруларды эпидемиологиялық
бақылау бөлімінің басшысы
