Жәнібек ауданындағы жұмыс сапары барысында облыс әкімі Нариман Төреғалиев «Ауыл аманаты» бағдарламасының игілігін көріп отырған Дәурен Әбдірахмановтың шаруашылығына барып, жұмысымен танысты.
Дәурен Әбдірахманов жеңілдетілген несие арқылы 9 млн 400 мың теңге көлемінде қаржыға «Еділбай» тұқымды 130 бас қой сатып алған. Бүгінгі таңда екі рет төлдегеннен кейін қой саны 500 бастан асып, шаруашылық айтарлықтай кеңейіп отыр.
Кәсіпкердің айтуынша, бұл қолдау – ауыл халқының еңбекке бет бұрып, өз кәсібін ашып, дөңгелетуіне үлкен мүмкіндік береді. Алдағы уақытта қой басын екі есе арттырып, жергілікті тұрғындарды жұмыспен қамту ойы бар.
Арай Сейфолла,
Жәнібек ауданы
