Жерді еміп, малды бағып, темірді сөйлеткен ауыл еңбеккерлері бұл жолы күш пен ептіліктің өзге бір алаңында бас қосып, спортқа да ерекше жақын екендерін жарқырата көрсетті.
«Қайсар» спорт клубында ауыл шаруашылығы қызметкерлері арасында қол күресі, садақ ату және асық ойындары секілді ұлттық спорттық жарыс өтті.
Шараның негізгі мақсаты – ұлттық спорт түрлерін кеңінен тарату, округтер арасындағы достық қарым-қатынасты нығайту және салауатты өмір салтын насихаттау болды.
Асық атудан 1 орынды Қуаныш Үсенов (Жосалы) қанжығалады. 2 орын Ғалиасқар Қитаровқа (Жымпиты), 3 орын Айғожа Заманбекке (Қызылағаш) бұйырды.
Қол күресінен 1 орынды Ерболат Абдығалиев (Сарой) жеңіп алды. 2 орынғаДидар Тұрғали (Тоғанас) тұрақтаса, 3 орын тұғырынан Нұрлыбек Бегимов (Өлеңті) көрінді.
Садақ ату жарысында Қатжанов Қанат (Жосалы) 1 орын, Рысқалиев Сырым (Тоғанас) 2-орын, Рамазанов Темірхан (Жетікөл) 3-орындарды бөлісті.
Жарыс қорытындысы бойынша үздіктер диплом және «Қайсар» спорт клубының медальдарымен марапатталды.
Шынар Молданиязова,
Сырым ауданы
