Теректіде волейболдан аудандық ашық турнир өтті  

Теректі ауданы, Жаңа Өмір спорт кешенінің ашылуына орай ерлер командалары арасында волейболдан «Zhana Omir Cup» аудандық ашық турнирі өтті.

Салтанатты шараға Теректі ауданының әкімі Әлия Мұханбетжанова қатысып, жарысқа жиналған спортшыларға сәттілік тілеп, ел спортының дамуына қосып жүрген үлестері үшін алғысын білдірді. Сонымен қатар спорт ардагері Алтымбек Ермухамбетов құттықтау сөз сөйлеп, қатысушыларға ізгі тілегін арнады.

Турнирге барлығы 11 команда қатысты. Атап айтқанда, Ақжайық, Бәйтерек, Бөрлі, Тасқала, Қаратөбе, Теректі аудандарынан және Орал қаласының «Асау» командасы, сондай-ақ Жаңа Өмір, Шағатай, Серебряков және Теректі ауылдық округтерінің спортшылары бақ сынады.

Тартысты да қызықты өткен ойындар нәтижесінде жеңімпаздар шағандық жастардың демеушілігімен марапатталды.

Жекелей номинациялар бойынша:

• Үздік ойыншы – Сатканов Жігер (Бәйтерек ауданы)
• Үздік қорғаушы – Утегенов Алишер (Бөрлі ауданы)
• Үздік байланыстырушы – Нұғман Нұржігіт (Серебряково ауылы)
• Үздік тосқауылшы – Төлешов Қайрат (Қаратөбе ауданы)
• Үздік шабуылшы – Гайнеденов Нұрбол (Жаңаөмір ауылы)

Командалық есеп бойынша:

I орын – Теректі ауданы

II орын – Бәйтерек ауданы

III орын – Бөрлі ауданы

Аудандық ашық турнир жоғары деңгейде ұйымдастырылып, спортшылардың шеберлігі мен командалық бірлігін айқындаған айтулы спорттық шараға айналды.

Майра Нұрымжанқызы,

Теректі ауданы