8 наурыз – Халықаралық әйелдер күні қарсаңында аудан әкімі Нұрлыбек Даумов және Сайқын ауылдық округ әкімі Шыңғыс Абдоллин ауылының ардақты аналары мен аяулы азаматшаларын арнайы үйлеріне барып құттықтады.
Мереке қарсаңында аудан басшысы қоғамның дамуына өз үлесін қосып, отбасының берекесін келтіріп отырған нәзік жандыларға ізгі тілегін жеткізді.
Нұрлыбек Жасқайратұлы ана-апаларымыз Қалампыр Айтжанова, Сәния Нұралиева және Айман Ромашеваның шаңырақтарына арнайы барып, гүл шоқтарын табыстап, алғысы мен құттықтау сөздерін жеткізді.
Өз кезегінде аудан әкімі әйелдердің қоғамдағы орны ерекше екенін атап өтіп, олардың еңбегі мен отбасы тәрбиесіндегі рөлі әрдайым жоғары бағаланатынын айтты.
Сонымен қатар, ауданның өсіп-өркендеуіне үлес қосып жүрген жандарға ризашылығын білдіріп, зор денсаулық, отбасы амандығы мен толағай табыс тіледі.
Еркебұлан Бисенғалиев
Бөкей ордасы ауданы
Суретке түсірген автор
