Премьер-министр Олжас Бектенов Үкіметінің отырысында құрылыс саласын цифрландыруды жеделдету және қала құрылысын жоспарлауда заманауи цифрлық шешімдерді енгізу қажеттігін атап өтті.
Заңнаманы жаңартумен қатар заманауи цифрлық жүйелерге көшу жүзеге асырылуда.
Бірыңғай құрылыс порталы саладағы ашықтықты арттырып, әртүрлі жүйелерді “бір терезе” қағидаты бойынша біріктіруге және артық бюрократия мен мерзімдерді қысқартуға мүмкіндік береді.
Өнеркәсіп және құрылыс, Жасанды интеллект министрліктеріне биылғы шілде айының соңына дейін жобаларды сараптау бойынша жасанды интеллект модульдерінің пилоттық режимдегі жұмысын қамтамасыз етуді тапсырамын, — деп атап өтті Олжас Бектенов.
