Бүгін Ақжайық ауданының Көнеккеткен ауылдық округіне қарасты Ақтөбе елдімекені тұсында 9 автокөлік 36 жолаушысымен қарға батып қалды.
– Төтенше жағдайлар бөлімінің қызметкерлері, аудандық әкімі аппаратының бас инспекторы, № 6 жедел құтқару жасағы құрамы «УАЗ» автокөлігімен және аудан орталығындағы «Жайықтехсервис» кәсіпорнының «МТЗ-82» тракторымен жолда қалғандарға көмекке барып, олардың қауіпсіздігін қамтамасыз ету шараларын алуда,- дейді Ақжайық ауданы ТЖБ басшысы Темірхан Кажғалиев.
Бекем БЕКҰЛЫ,
Ақжайық ауданы
