Дариян ауылындағы №180 референдум учаскесі таңғы сағат 7:00-де, ҚР Әнұранмен ашылды. Аталған учаскеде барлығы 1155 азамат дауыс беруге тіркелген.
Алғашқылардың бірі болып дауыс берген Сағидолла Сапаровқа арнайы сыйлық табысталды. «Бүгін келіп өз дауысымды бердім. Дауыс беру – әрбір қазақстандық азамат үшін маңызды деп санаймын”, – деді ол.
Сонымен қатар Дариян ауылының тұрғыны Виталий Колпаков та өз таңдауын жасады. Оның айтуынша, бүгін – маңызды тарихи күн. Әрбір дауыс маңызды.
Референдум учаскесінде дауыс беру заң талаптарына сәйкес ұйымдастырылып, тұрғындар белсенділік танытуда.
Дина Ахметова,
Дариян ауылы
