Ел болашағы жастардың қолында. Болашаққа нық сеніммен қарауы үшін жастардың ауызбіршілігі мен ұйымшылдығы қажет.
Референдумға дауыс беру барысында ауыл жақтағы жастардың да белсенділігі байқалады. Аңқатылық Қайыпқали Ершат Ермекұлы 2008 жылы 15 наурызда Аңқаты ауылында дүниеге келген. Яғни бүгін оның туған күні. Өз қуанышын көппен бөліскен Ершаттың болашағынан ауылдастары зор үміт күтеді. Ол көп балалы отбасынан үйдің кенжесі. Ағасы үйленген, екі апасы тұрмыс құрған. Ершат Аңқаты ЖОББ мектебінің 11 сыныбында оқиды. Әкесі Ермек, анасы Гүлсара мектепте техникалық қызметкерлер болып жұмыс жасайды.
Қ.Саясатова,
Теректі ауданы
