№128 учаскелік референдум комиссиясында дауыс беру үдерісін бақылауға келген байқаушы да өз дауысын берді. Ол алдымен дауыс беру барысын бақылап, заң талаптарының сақталуына назар аударды. Кейін тіркеу рәсімінен өтіп, арнайы кабинада өз таңдауын жасап, жәшікке салды.
- Бүгінгі еліміздегі маңызды шара. Республикалық референдумда Жаңақала ауданы, Жаңақала ауылындағы 128 сайлау учаскесінде байқаушы болып қатыстым. Референдум өте ашық, әділ өтіп жатыр. Ұйымдастыру деңгейі жоғары деңгейде деп бағалаймын. Ешқандай заң бұзушылықтарға куә болмадым. Өзімде азаматтық ұстанымымды білдіріп, тіркелген жерім бойынша сайлау учаскеме барып дауыс бердім, - дейді байқаушы Аслан Садықов.
Ақерке Мәлікқызы,
Жаңақала ауданы
