Бүгін Қаратөбеде Наурыз мерекесі аясындағы 18 наурыз - «Ұлттық киім күніне» орай аудан орталығындағы мекемелер басшылары мен қызметкерлері ұлттық киімдерін киіп орталық алаңда сап түзеді.
Сап түзеген қаратөбеліктер алдында сөз алған аудан әкімінің орынбасары Ғабит Ғазиев халқымыздың ұлттық киімдері туралы әңгімелеп, ұлттық киім тарихының тереңде жатырғанын айтып, мерекелік іс-шараға қатысушыларды Ұлыстың Ұлы күні наурыз мейрамымен құттықтады.
– Біз, ұлттық киімді тек мерекеде ғана емес, күнделікті киіп жүруге дағдылануымыз керек. Мереке құтты болсын. Ұйымшылдық танытып, іс-шараға белсене қатысқандарыңызға үлкен ризашылығымды білдіремін, - деді Ғабит Талаптанұлы.
Ұлттық киім киінген ұжымдар қызметкерлері алаңнан аудандық кітапхана жүйесі ғимаратына дейін барып, алаңға қайта оралып, естелік суретке түсті.
Мерекелік іс-шараға аудандық мәдениет, тілдерді дамыту, денешынықтыру және спорт бөлімінің басшы Мәулен Салахаден, аудандық ішкі саясат бөлімінің басшысы Нұртас Сафуллин қатысты.
Ерболат Райсов,
Қаратөбе ауданы
