Наурыз мейрамын мерекелеу кезеңінде халықтың теміржол тасымалдарына деген жоғары сұранысын қанағаттандыру мақсатында қосымша пойыздар тағайындалып, ең сұранысқа ие бағыттарда орын саны арттырылатын болады, - деп жазады Қазақстан Республикасы Көлік министрлігі.
Сурет: gov.kz
Атап айтқанда, стандартты жолаушылар вагондарынан құралған 22 рейске 3 қосымша пойыз тағайындалды:
Сонымен қатар, жолаушылар ағыны жоғары бағыттар бойынша қолданыстағы пойыздарға қосымша 230 тіркемелі вагон қосылды.
Қала маңы тасымалдары желісі бойынша Астана – Павлодар, Шу – Тараз, Астана – Атбасар, Астана – Курорт-Бурабай, сондай-ақ Қарағанды – Балқаш бағыттары бойынша 11 қосымша рейс ұйымдастырылды және Қарағанды – Балқаш бағытына 6 тіркемелі вагон қосу қарастырылған.
Жалпы Наурыз мейрамы күндері жолаушылар үшін қосымша шамамен 45 мың орын ұсынылатын болады.
Сонымен қатар, еліміздің бірқатар теміржол вокзалдарында шағын мерекелік іс-шаралар өткізу жоспарлануда, оның ішінде жолаушыларға дәстүрлі ұлттық тағамдар ұсыну, тақырыптық фотозоналар орнату және мәдени қойылымдар ұйымдастыру қарастырылған, бұл Наурызды мерекелеу күндері жолаушыларға мерекелік көңіл-күй сыйлауға мүмкіндік береді.
