Microsoft корпорациясы Жапониядағы ең ірі инвестициялық жоспарын жариялады. Компания 2029 жылға дейін 1,6 трлн иен, яғни 10 млрд доллар көлемінде қаржы құяды, деп хабарлайды Kyodo агенттігі.
Фото: pixabay
Қаражат жасанды интеллект инфрақұрылымын, бұлтты есептеулерді, киберқауіпсіздікті нығайтуға және кадрларды дамытуға бағытталады. Компания Жапонияға алдағы төрт жыл ішінде, 2029 жылға дейін инвестиция салуды жоспарлап отыр.
Microsoft вице-төрағасы Брэд Смит Жапонияның премьер-министрі Санаэ Такаичиге компанияның SoftBank Group және сақтау қызметтері провайдері Sakura Internet-пен күш біріктіретінін мәлімдеді.
Техникалық инфрақұрылымды жаңғыртумен қатар, инвестиция мамандар даярлауға және киберқауіпсіздікті күшейтуге де жұмсалады. Өз кезегінде премьер-министр Санаэ Такаичи бұл жобаның Жапонияның деректер егемендігі үшін маңызын атап өтті.
Айта кетіһерлігі, бұл – Microsoft компаниясының елдегі ең ірі инвестициялық жоспары. 2024 жылы корпорация дата-орталықтар мен сақтау сервистерін дамытуға 2,9 млрд доллар инвестиция салған.
Еске сала кетейік, 2026 жылдың қаңтарында Microsoft дата-орталықтардың жұмысын үнемдірек етуге арналған жасанды интеллект чипін және GPT-5.2 нұсқасын таныстырған еді.
Дереккөз: ҚазАқпарат
