Алдағы күндері Қазақстанның басым бөлігінде күн құбылмалы болып, жаңбыр жауады.
Қаздгиометтің хабарлауынша, 9 сәуірде республиканың солтүстік-батысында, солтүстігінде және оңтүстік-шығысында, 10 сәуірде батысында, солтүстігінде және оңтүстік-шығысында найзағай, бұршақ және екпінді желмен бірге қатты жаңбыр күтіледі.
Түнгі уақытта солтүстік-батыс пен солтүстікте жауын-шашын (жаңбыр, қар) болжанады, ал 11 сәуірге қараған түні елдің шығысында қар, жаяу бұрқасын және көктайғақ күтіледі.
Республика бойынша желдің күшеюі болжанады, түнгі және таңғы сағаттарда тұман болады.
Солтүстік, солтүстік-батыс, орталық және шығыс өңірлерде ауа температурасының төмендеуі күтіледі:
түнде 0–8 градус жылыдан 0–5 градус аязға дейін,
күндіз 10–23 градустан 7–15 градусқа дейін.
Елдің қалған аумақтарында ауа температурасы көктемге тән жайлы деңгейде сақталады.
