Жеңіс күні қарсаңында Бөкей ордасы аудандық мекеме басшылары мен ауылдық округ әкімдері тыл еңбеккерлерінің үйлеріне арнайы барып, аудан әкімі Нұрлыбек Даумовтың атынан мерекемен құттықтады.
Құттықтай барған қонақтар елдің дамуына үлес қосып, соғыс жылдарында аянбай еңбек еткен ардагерлерге аудан жұртшылығы атынан алғыстарын білдіріп, игі тілектерін жеткізді. Тыл еңбеккерлерінің ерлігі мен қажырлы еңбегі бүгінгі ұрпақ үшін үлкен өнеге екенін атап өтті.
Мерекелік кездесуде тыл еңбеккерлеріне гүл шоқтары мен естелік сыйлықтар табысталды. Ардагерлер елдің тыныштығын, жұрттың амандығын тілеп, ризашылықтарын білдірді.
Анар Артықбай
Бөкей ордасы ауданы
