Қай-қай саяси науқанда да аға буын қоғам өміріне, аудан тынысына бей-жай қарай алмайтындарын көрсетеді, сайлау науқанына да белсенділікпен қатысады. Бұл олардың азаматтық жауапкершілік, міндет деген құндылықтарды басты орынға қоятын дарын көрсетеді, әрине.
Бисен ауылдық округінде өтіп жатқан сайлау да дәл осындай.
Ауылдың аға буыны жұбайлары мен жетек есіп келіп, өз таңдауларын жасауда. Солардың бірі - жуырда ғана алпыс жастарын тойлаған ауыл белсенділері Берік Төлегенов ағамыз және Бибігүл Өтегенова жеңгеміз.
- Сайлау келіп өз таңдауын жасау да азаматтық борышымыз деп ұғамыз. Дауыс беріп, болашақ әкімге сенім білдірдік. Жаңа әкіміміз осы сенім мүддесінен шықса игі, - дейді Берік ағамыз.
Айта кетейік, жалпы Бисен ауылдық округі бойынша 1501 сайлаушы тіркелген. Оның 834-і округ орталығына, 255-і Жиекқұмға, 167-сі Жетібайға, қалған 245-і Көктерек елді мекеніне тиесілі.
Анар Артықбай
Бөкей ордасы ауданы
