Батыс Қазақстан облысы бойынша Экономикалық тергеп-тексеру департаменті Қазақстан Республикасының аумағында электрондық тұтыну жүйелерін (вейптерді), сондай-ақ оларға арналған сұйықтықтар мен хош иістендіргіштерді әкелуге, өндіруге, өткізу мақсатында сақтауға және сатуға толық тыйым салынғанын ескертеді.
Сурет: istockphoto.com
Енгізілген тыйымға қарамастан, аталған өнімдерді заңсыз әкелу және тарату әрекеттері, соның ішінде мессенджерлер мен әлеуметтік желілер арқылы жүзеге асырылу фактілері тіркелуде. Мұндай әрекеттер заңға қайшы, және құқық қорғау органдарымен жолы кесілуде.
Қазақстан Республикасының қолданыстағы заңнамасына сәйкес, вейптердің заңсыз айналымы үшін қылмыстық жауапкершілік көзделген. Заң бұзушыларға ірі көлемде айыппұл салу, өнімді тәркілеу, сондай-ақ 5 жылға дейін бас бостандығын шектеу немесе айыру түріндегі жаза қолданылуы мүмкін.
Департамент тарапынан вейптерді жеткізу арналары мен заңсыз сауданы анықтау және жолын кесу мақсатында жедел-іздестіру және профилактикалық іс-шаралар тұрақты түрде жүргізілуде.
«Кибернадзор» жүйесі арқылы электрондық тұтыну жүйелерін (вейптерді) және ілеспе тауарларды жарнамалап, таратқан 20 Telegram-арна бұғатталды.
Сонымен қатар, биыл РФ-дағы интернет-дүкен арқылы 50 электрондық тұтыну жүйесіне (вейпке) тапсырыс беріп, оларды логистикалық фирманың қызметін пайдалана отырып Қазақстанға әкелмек болған азаматқа қатысты айыптау үкімі шығарылды.
Алайда, логистикалық компанияның қызметкерлерімен тауарды әкелу барысында жолданымды шекаралық бақылау қызметкерлерімен ұстап, тоқтатылған.
Тергеу барысында азамат өз кінәсін мойындап, сот үкімімен ол 1 жылға бас бостандығын шектеу жазасына тартылған.
Вейптердің заңсыз айналымы көбіне көлеңкелі секторда, салық төлемей жүзеге асырылады, бұл мемлекет экономикасына зиян келтіретінін айта кету жөн.
Құқықтық салдардан бөлек, вейптер азаматтардың, әсіресе кәмелетке толмағандардың денсаулығына елеулі қауіп төндіреді, никотинге тәуелділіктің қалыптасуына және ағзаға кері әсер етуіне ықпал етеді.
ЭТТД азаматтар мен кәсіпкерлік субъектілерін заң талаптарын қатаң сақтауға және тыйым салынған өнімдердің заңсыз айналымына қатысудан бас тартуға шақырады.
Вейптерді сату немесе тарату фактілері анықталған жағдайда, бұл туралы дереу құқық қорғау органдарына хабарлауды сұраймыз.
Заңды бұзу міндетті түрде жауапкершілікке әкеп соғады.
БҚО бойынша Экономикалық тергеп-тексеру департаменті
