Казталов ауданына қарасты барлық мектептерде оқу жылын аяқтау салтанаты құрметпен аталынып, түлектер тартуындағы жаңа нысандардың салтанатты ашылу рәсімдері өткізілді.
Осындай мерекелік шара барысында Талдыапан ауылында туған өлкесінің көркеюіне атсалысқан 40 жылдық мектеп түлектері өз қаражаттарына «Мемлекеттік рәміздер алаңын» тарту етіп, оның салтанатты ашылу рәсімін жасады.
Жиында мәртебелі меймандар сөз сөйлеп, туған жеріне өлшеусіз үлес қосқан елжанды түлектерге жерлестерінің шексіз алғыстарын жеткізді.
Қыдыр Харесұлы,
Казталов ауданы
