Түркістан қаласында өткен VIII Халық ойындары мәресіне жетті.
Фото: Бекзат Қанәділ
Еліміздің барлық өңірінен жиналған спортшылар бірнеше күн бойы өзара мықтыны анықтады. Жарыс қорытындысы бойынша Батыс Қазақстан облысының құрамасы жалпыкомандалық есепте төртінші орынға тұрақтады.
Өңір спортшылары шахмат пен қазақ күресінен алтын медаль иеленіп, чемпион атанды. Үстел теннисінің шеберлері үздік үштіктен көрінсе, баскетболшы қыздар қола жүлдеге қол жеткізді. Сондай-ақ волейбол, баскетбол (ерлер), гір спорты және қол күресі түрлерінен қатысқан облыс құрамасының мүшелері де жоғары дайындықтарын көрсетті.
Келесі Халық ойындары Қарағанды қаласында өтеді.
Бекзат Қанәділ,
zhaikpress.kz
