«Орда» спорт кешенінде мемлекеттік қызметшілер мен полиция күніне орай дәстүрлі спартакиада ұйымдастырылды.
Салауатты өмір салтын насихаттау және құқық қорғау органдары мен мемлекеттік қызметшілер арасындағы ынтымақтастықты нығайтуды мақсат еткен бұл шараға 5 команда қатысты. Атап айтқанда, аудан әкімдігінің әлеуметтік және шаруашылық салалары, ауылдық округтер, аудандық полиция бөлімі және әлеуметтік қызметкерлер командалары бақ сынасты.
Спартакиаданың ашылу салтанатында аудан әкімі аппаратының басшысы Асқар Ажғалиев сөз алып, қатысушыларға сәттілік тіледі. Командалар садақ ату, кермеге тартылу, пневматикалық мылтықтан ату, арқан тартыс және эстафета сынды спорт түрлерінен сынға түсті.
Тартысты бәсекенің қорытындысы бойынша бас жүлдені (І орын) аудандық полиция бөлімінің командасы жеңіп алды. ІІ орынды аудан әкімдігінің әлеуметтік сала командасы иеленсе, ІІІ орын әлеуметтік қызметкерлер командасына бұйырды. Жарыс соңында үздік нәтиже көрсеткен ұжымдар бағалы сыйлықтармен марапатталды.
Анар Артықбай,
Бөкей ордасы ауданы
