Қазталов ауданы Ақпәтер ауылында өтіп жатқан ауыл әкімінің сайлауында жергілікті тұрғындар дауыс беруде.
Саяси науқанға Ақпәтер ауылының тұрғыны, Ауған соғысының ардагері Есімжан Әлібеков те қатысып, отбасымен бірге №240 сайлау учаскесінде өз таңдауын жасады.
Есімжан Әлібеков сайлауға қатысуды өзінің азаматтық парызы деп санайтынын айта келе, туған ауылының болашағына бейжай қарамайтын әрбір кәмелетке толған азамат бұл мүмкіндікті дұрыс пайдалануы қажет екенін жеткізді. Сондай-ақ ардагер тұрғындардың белсенділігі ауылға іскер әрі білікті әкімнің сайлануына жол ашатынына сенетінін атап өтті.
Қыдыр Харесұлы,
Қазталов ауданы
