Шыңғырлау ауданының әкімі Мұрат Өмірәлиевтің төрағалығымен актив жиыны өтті. Жиынға дербес бөлімдер мен мекемелердің басшылары, ауылдық округ әкімдері қатысты.
Күн тәртібінде ауданға инвестиция тарту, мерзімдік басылымдарға жазылу науқанын қорытындылау, жұмыспен қамту саласындағы жоспарлардың орындалуы, өрт қауіпсіздігін қамтамасыз ету, балалардың жазғы демалысын сапалы ұйымдастыру және қауіпсіздік шараларын күшейту, сондай-ақ ветеринария саласында 2026 жылдың алғашқы жартыжылдығында атқарылған жұмыстар мен өзекті мәселелер қаралды.
Жиында сала басшылары баяндама жасап, атқарылған жұмыстар туралы есеп берді. Қатысушылар тарапынан сұрақтар қойылып, ұсыныстар айтылды.
Актив жиынын қорытындылаған аудан әкімі Мұрат Өмірәлиев қаралған мәселелердің аудан дамуы үшін маңыздылығына тоқталып, жауапты мекемелерге нақты тапсырмалар берді. Сондай-ақ инвестиция тарту, халықты жұмыспен қамту, өрт қауіпсіздігін сақтау, балалардың қауіпсіз демалысын қамтамасыз ету және ветеринариялық шараларды сапалы орындау бағытындағы жұмыстарды күшейтуді тапсырды.
Светлана Ешматқызы
Шыңғырлау ауданы
