ҚР Туризм және спорт министрлігінің мәліметінше, Астанада «Болашақ ойындары 2026» (GOTF 2026) powered by Samruk-Kazyna халықаралық турнирінің қатысушылары қабылдана бастады.
Фото: gov.kz
Елордаға 50-ден астам ұлттың 800-ден аса спортшысын біріктіретін әлемдегі жетекші фиджитал және киберспорт командалары келіп жатыр.
Алғашқылардың бірі болып келген Phygital Basketball Presented by Halyk Fund дисциплинасының қатысушылары қатарында Аргентинаның екі дүркін чемпионы әрі халықаралық турнирлердің жеңімпазы «Boca Juniors», сондай-ақ «MINSK», «Flow Game Basketball» сынды танымал клубтар бар. Олардан бөлек, Астанаға «Xtreme Gaming», «Team Falcons», «Team Spirit», «T1», «Aurora Gaming» және «The MongolZ» сияқты әлемге әйгілі ұжымдар келеді. Олар Dota 2, MLBB, PUBG, CS 2 және басқа да дисциплиналар бойынша бақ сынайды.
Дәстүрлі спорт пен заманауи технологияларды тоғыстыратын ауқымды турнир 29 шілде мен 9 тамыз аралығында өтеді.
