Шыңғырлау ауданына қарасты Шоқтыбай модельді ауылдық кітапханасында Қазақстан халқының Тілдер күніне орай кітапханашы Нұргүл Машгулованың ұйымдастыруымен «Тіл білгірлері» атты интеллектуалды ойын өтті.
Танымдық шара мемлекеттік тілдің мәртебесін насихаттауға, ана тіліне деген құрметті арттыруға және қатысушылардың тапқырлық қабілеттерін дамытуға бағытталды.
Сайыс барысында қатысушылар мақал-мәтелдер, жұмбақтар, сөз мағынасы мен ұлттық салт-дәстүр тақырыптары бойынша бақ сынасты.
Кітапханашы Нұргүл Аюпқызы мұндай шаралар оқырмандардың білім көкжиегін кеңейтіп, ана тіліне деген сүйіспеншілігін арттыруға септігін тигізетінін атап өтті.
Светлана Усалимова,
Шыңғырлау ауданы
