ҚР Энергетика министрлігінің мәліметінше, бұл туралы Энергетика министрі Ерлан Ақкенженов пен Сауд Арабиясы Корольдігінің Қазақстандағы Төтенше және Өкілетті Елшісі Фейсал Әл-Кахтанидің кездесуінде айтылды.
Фото: Minenergokz
Тараптар энергетика саласындағы екіжақты ынтымақтастық пен «ОПЕК+» аясындағы өзара іс-қимыл перспективаларын, сондай-ақ жаңартылатын энергия көздері мен «жасыл» технологияларды дамыту мәселелерін талқылады.
Кездесу барысында Эр-Риядта өтетін Дүниежүзілік мұнай кеңесінің алдағы конгресіне ерекше назар аударылды. Сондай-ақ Қазақстанның 2028 жылы Астанада Дүниежүзілік мұнай кеңесінің кезекті конгресін өткізуге дайындалып жатқаны атап өтіліп, тараптар бұл ауқымды іс-шараны ұйымдастыру барысында тығыз өзара іс-қимыл жасауға уағдаласты.
