Маманның айтуынша, күн салқындап, ылғал деңгейі артуы дене жылуын тез жоғалтуына әкеп соғады. Соның салдарынан тоңып қалу және тыныс жолдары инфекцияларына шалдығу қаупі жоғарылайды.
Маман тоңып қалмау үшін ауа райына сай киінуге кеңес берді. Адам көп жиналатын жерлерде қосымша сақтық шарасы ретінде маска тағуға болады.
Сондай-ақ, маман тамақтануға назар аудару маңызды екенін де айтты. Жаңа піскен көкөніс пен жеміс-жидекті мәзірден алып тастамаған жөн, фастфуд пен консервіленген өнімдерге көшуден аулақ болған дұрыс. Рациондағы дәрумен жеткілікті болуын да қадағалау қажет.
