Маңғыстау облысы әкімдігі баспасөз қызметінің мәліметінше, Қазақстан Халық Кеңесінің мүшесі, Маңғыстау облысы қоғамдық кеңесінің төрағасы Бекмұрат Жүсіпов қаза тапқандардың отбасылары мен зардап шеккен әскери қызметшілерге көрсетілген қаржылай көмектің бөлінуін бақылау жөніндегі комиссия жұмысының нәтижесі туралы мәлімдеді.
Президент Қасым-Жомарт Тоқаевтың тапсырмасына сай, ірі кәсіпорындар мен меценаттардың қаражатын жинақтау үшін «Ұлттық рух» қоры арнайы белгіленіп, құқық қорғау органдары, қоғам және Құрылтай депутаттары кірген комиссия түскен қаражатты заңнамаға сәйкес әділ түрде бөліп шықты.
Сонымен қатар аман қалған әскери қызметшілерге де жеке төлемдер қарастырылып, барлық процесс қатаң бақылауға алынды. Ал туыстардың қауіпсіздігі мен дербес деректерінің құпиялылығын сақтау мақсатында нақты сома мен алушылардың аты-жөні жария етілмейді.
