Қазақстан құрамасының өкілі Әсем Орынбай Катардың Доха қаласында өтіп жатқан стенд атудан әлем чемпионатында үздік бес спортшының қатарына қосылып, елімізге алғашқы Олимпиада жолдамасын сыйлады, деп хабарлайды ҚР Спортты дамыту дирекциясының баспасөз қызметі.
Фото: DRSQazaqstan
Шешуші кезеңде спортшымыз 24 нысананың 20-сын дәл көздеп, бесінші орынға тұрақтады.
Байқауда қытайлық спортшылар Итин Цзян мен Че Юфэй тиісінше бірінші және екінші орындарды өзара бөліссе, Словакия өкілі Моника Стибрава үздік үштікті түйіндеді.
Айта кетейік, Әсем Орынбай – Азия ойындарының чемпионы әрі ұлттық құраманың көшбасшысы.
Дохадағы жарыс 14 қарашаға дейін жалғасады.
