Тасқала аудандық ішкі саясат бөлімінің қолдауымен, ардагерлер кеңесі мен мәдени-ойын сауық және спорт клубының ұйымдастыруымен Жеңіс күнінің 72 жылдығына арналған ерлер мен әйелдер (зейнеткерлер) арасында шахмат пен дойбыдан жарыс өтті.
Шараның ашылу рәсімінде ішкі саясат бөлімінің басшысы А.Дүйсенова мен ардагерлер кеңесінің төрағасы Ж.Балықов сөз сөйлеп, жарыс қатысушыларына сәттілік тіледі.
Қызықты да тартысты өткен сайыстың нәтижесінде шахматтан ерлер арасында І орынды М.Снопко иеленсе, ІІ орынды М.Мырзағалиев еншіледі. Ал, ІІІ орынға Н. Рамазанов жайғасты. Дойбыдан І орынды А.Гурияк алса, ІІ орынды Р.Үмбеталиев, ІІІ орынға М.Снопков қол жеткізді.
Әйелдер арасында шахмат пен дойбыдан І орынды К.Мұхамбетьярова, ІІ орынды Р.Хангереева еншіледі.
Есенжол Елекенов
Тасқала ауданы
zhaikpress.kz
