Зеленов ауданы әкімі Асхат Шахаров ардагерлер ұйымының 30 жылдығына арналған «Қайран, біздің әжелер, арды ойлаған» атты облыстық байқаудың бас жүлде иегерлері «Ақниет» әжелер ансамблін қабылдады.
- Елдің мәртебесін көтеретін саланың бірі - өнер. Ал сахна киелі орын. Жоғары дәрежеде өнер көрсетіп, аудан абыройын асқақтатқандарыңыз үшін алғысымды білдіремін. Жастарға үлгі, елге өнегелі іс көрсетіп келесіздер, -деген аудан басшысы әжелер ұжымына денсаулық, шығармашылық табыс тіледі.
-Ансамбліміздің құрылғанына жеті жылдай уақыт болды. Салт-дәстүрді, әдет-ғұрыпты насихаттау, жастарға дәріптеу басты мақсатымыз. Ансамблі мүшелері зейнетке шықса да ел болашағы үшін еңбектенуде,-деген ансамбль жетекшісі, әнші, композитор Гүлбаршын Қасиетова жылы шыраймен қабылдаған аудан әкіміне ансамбль мүшелері атынан алғыс білдірді.
Динара НАСЫР
Зеленов ауданы
zhaikpress.kz
