Кеше, сағат 16.35-те Қаратөбе ауданындағы аудандық маңызы бар Қаратөбе-Қарақамыс жолының 3-ші шақырымда жол үстімен ені 20 метр және тереңдігі 20-30 см еріген су ағыны өтіп жатқаны жөніндегі хабарлама келіп түскен. Бұл туралы облыстық төтенше жағдайлар департаменті мәлімдеді.
Жергілікті атқарушы органдардың 40 жұмысшысы мен 5 бірлік техникасының уақытылы әрекет етуі нәтижесінде инертті материалдары бар 1800 қап төселген.
Сондай-ақ бұл жолдан басқа жақын маңдағы елді мекендермен қарым-қатынасты жалғастыруға мүмкіндік беретін айналма жол да бар. Қосымша жергілікті атқарушы органдардың 3 жұмысшысы және 2 бірлік техникасы күшімен және 2 жеке құрам адамы және 1 бірлік техникасы бар жергілікті полиция қызметінің қызметкерлері кезекшілік ұйымдастырған.
zhaikpess.kz
