Х.Бөкеева атындағы облыстық қазақ драма театрында төртінші қайырымдылық грант балының дебютанттары «Жүректен жүрекке» атты акция ұйымдастырды.
Шарада грант бал жобасының авторы Алпамыс Шәримов мүмкіндігі шектеулі он жастағы Шыңғыс есімді балаға өзінің сыйлығын тарту етті.
-Сіздердің қолдауларыңыздың арқасында біз мұңаймаймыз. Қайта баламның болашаққа деген ынта-жігері арта түсетініне сенемін. Сыйлық беріп, баламды қуантып жатқандарыңызға көп рақмет. Осындай жобаларыңыз жалғасын тауып, істеріңізге Алла береке берсін, - деді Шыңғыстың анасы Мәрия Шәгирова.
Аталмыш акцияны ұйымдастырушы Айнұр Қауышеваның айтуынша, акцияға қатысқан әрбір дебютант сыйлыққа толы 120 жәшікті даярлап, көмекке мұқтаж отбасыларға өз қолдарымен апарып табыстамақ.
Е.ЕЛЕКЕНОВ,
zhaikpress.kz
