Зеленов аудандық орталықтандырылған кітапханалар жүйесінің оқу залында 16 желтоқсан – Қазақстан Республикасының Тәуелсіздігі күні мерекесіне арналған оқушылар арасында көркемсөз оқу байқауы өтті.
Байқауға аудан орталығындағы Қ.Аманжолов атындағы мектептің 5-сыныбынан 8 оқушы қатысып, қазақ ақындарының тәуелсіздік тақырыбындағы өлеңдерін нақышына келтіре оқыды.
Өрендері ұлық мерекемен құттықтаған аудандық мәдениет, тілдерді дамыту, дене шынықтыру және спорт бөлімінің басшысы Радик Мақсотұлы, кітапхана директоры Жеңісгүл Жаңабаева қатысушыларға жарқын болашақ, сәттілік тіледі.
Облысқа танымал ақындар төрелік еткен шарада оқушылардың барлығы арнайы аталымдармен марапатталып, кітапхана ұжымының сыйлықтарына кенелді.
Байқау барысында тәуелсіздік жылдарынан бейнекөрсетілім ұсынылып, кітап көрмесі де таныстырылды. Викториналық сұрақтарға жауап берген ұл-қыздар сыйлықтан құралақан қалмады.
Ертай БИМҰХАНОВ,
Зеленов ауданы
© zhaikpress.kz
Батыс Қазақстанның маңызды жаңалықтарын біздің Instagram және Telegram парақшамыздан алғашқы болып біліңіздер
