Бүгін Бөкей ордасы ауданы орталығындағы «Қару аманаты» саябағында 31 мамыр – саяси қуған-сүргін және ашаршылық құрбандарын еске алу күніне арналған митинг өтті.
Онда аудандық мұрағаттың басшысы Қуаныш Елемесов қазақтың аса зиялы біртуар азаматтарын «Халық жауы», «Алашордашыл» деген айыппен жазықсыз айыпталып, жер аударылып, ату жазасына кесілген, жаппай мал, дүние-мүліктерін тәркіленіп, саяси қуған-сүргінге ұшырап, құрбан болғандар туралы баяндама оқыды. М-С.Бабажанов атындағы мектептің шәкірттері ашаршылық тақырыбында өлеңдер оқыды.
Аудан әкімінің орынбасары Біржан Меңешов пен аудандық ардагерлер кеңесінің төрағасы Иманбай Машотов аудан жұртшылығы атынан ескерткішке гүлтәжін қойды.
Саяси қуған-сүргін және ашаршылық құрбандары үнсіздікпен еске алынып, аудандық мешіттің имамы Қуандық Насыров дұға бағыштады.
Айша Құрмаш,
Бөкей ордасы,
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
