Теректі аудан әкімі Әділ Жоламанов аудандық орталық ауруханаға барып, жұмыс барысын көзбен көрді.
Ауданның бас дәрігері Зейл Мағзомов жаңалықтармен бөлісті. Оның айтуынша, аурухана жұмысы толықтай цифрландырылса, тұрғындар мен дәрігерлер қағазбастылықтан арылған.
Ауруханада қауіпсіздік шаралары да қолға алынған.
Жансақтау орнында жатқан науқасқа қажетті оттегі құрылғысы ғимарат сыртына орнатылып, ішке түтікпен енгізіліпті.
Төтенше қауіп төнген кезде есіктердің автоматты түрде жабылып қалуы да қарастырылған.
Аудан басшысы дәрігер көмегіне жүгініп отырған теректіліктермен де тілдесті.
Сонымен бірге Федоров ауылындағы аудандық кітапхана жаңа кейіп алуда.
Кітапхана жанынан коворкинг орталығы ашылмақ. Бұл аудан тұрғындары үшін жағымды жаңалық. Қазір жаңарту жұмыстары қарқын алып тұр. Аудан әкімі Әділ Тауфиқұлы құрылыс басына барып,жай-күймен танысты.
Әділет Орынбасаров
Теректі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
