Бөрлі ауданында "Қауіпсіз жол" жедел-профилактикалық іс-шарасы өтуде.
-Шараның мақсаты жол көлік оқиғаларының алдын алу, жол ережелерінің қатаң сақталуын бақылау, көлік жүргізушілерінің құжаттарының дұрыстығын тексеру. Шара басталғалы жол жүру ережесін бұзғандарға 35 хаттама толтырылды. Жүргізуші куәлігісіз көлік айдаған 3 адамның көлігі айып тұрағына қойылды. Жыл басынан бері 323 жол ережесін бұзу фактісі тіркелді, - дейді Бөрлі ауданы полиция бөлімі басшысының орынбасары Тимур Майранов.
Жедел-профилактикалық шара кезінде әкімшілік құқық бұзушылық туралы кодекстің 590-бабы 7-бөлімі бойынша тиiстi рұқсатсыз қайта жабдықталған көлiкті жүргізгендерге 4 хаттама толтырылған.
Мемлекеттiк немесе мiндеттi техникалық тексеруден өтпеген көлiкті тізгіндеген 39 жүргізушіге айыппұл салынған. Көлік жүргізіп келе жатып ұялы телефонмен сөйлескен 61 адам, қауiпсiздiк белдікті тақпаған 72 адамға хаттама толтырылса, 9 жүргізуші көлікті масаң күйде басқарған. Құжаттары және басқару құқығы жоқ көлiк айдаған 51 факт тіркелсе, көлiк жүргізу құқығынан айрылған 3 жайт анықталып, айып тұрағына 52 көлік қойылды.
Сонымен қатар басқа да заңбұзушылықтар анықталып, әкімшілік хаттама толтырылған.
Мейрамбек Сыдықов
Бөрлі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
