Теректі аудандық Достық үйінде аудандық білім беру бөлімі "Парасатты отбасы" байқауын өткізді.
Отбасы құндылықтарын насихаттау, отбасында бауырмалдық, қайырымдылық қатынас қалыптастыру, баласын озат ойлы, елжанды тәрбиелеп отырған отбасын ұлықтау мақсатында өткізілген шараға Ақсуат мектебі атынан Тельмановтар, Подстепный №1 мектебінен Алдоңғаровтар, Подстепный қазақ мектебінен Жүсіпқалиевтар, Ы.Алтынсарин атындағы мектептен Қуанышқалиевтар жанұясы қатысты.
Отбасы тарихын айтып, шежіре тарқатқан отбасылар өз ұясы туралы бейнекөрсетілім дайындап келген. Замануи, жан-жақты бала тәрбиелеп отырған отбасылар ән айтып, өз туындыларын оқып, би де билеп берді.
Өте қызықты, ұлттық болмыста өткен байқауда жүлделі орындар қос өнерлі отбасы - алты балалы Алдоңғаровтар мен төрт бала тәрбиелеп отырған Қабиевтарға бұйырды.
Тельмановтар "Өнерлі отбасы", Жүсіпқалиевтар "Қазыналы отбасы" аталымдарымен марапатталды.
Камелия Өтеу
Теректі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
