«Қарашығанақ» спорт кешенінде дзюдо күресінен Батыс Қазақстан облысының бірнеше дүркін жеңімпазы, республикалық жарыстардың жүлдегері Жангелді Кисметовты еске алуға арналған жасөспірімдер арасында облыстық ашық турнир өткізілді.
Аталмыш турнирге РФ-ның Орынбор қаласынан, Қызылорда қаласынан, «Жекпе-жек спорт түрлерінен олимпиада резервінің мамандандырылған БЖСМ» және №4 БЖСМ Орал қаласынан, Қазталов, Қаратөбе, Теректі,Сырым, Бөрлі аудандарынан барлығы 9 команда, яғни, 150 жас спортшы қатысты.
Жарыстың ашылу рәсімінде Бөрлі ауданы әкімінің орынбасары А.Көшкінбаев, Жангелдінің анасы Ғ.Кисметова мен ағасы А.Кисметовер сөз сөйлеп, қатысушыларға сәттілік тіледі.
Аудандағы спорт жанашыры, "Аир групп" компаниясының басшысы Н.Саратаев самбо күресінен 2019 жылғы Азия чемпионы Көлбай Темірланға компания атынан 200 000 теңгенің сертификатын табыстады.
Екі күнге созылған жарыстың қорытындысында түрлі салмақ дәрежесі бойынша ұлдар арасында Е.Тасқайыров, Б.Шакенов, Л.Кудряшов, Н.Амандық, И.Рахов, А.Жасболат, Д.Ихсанов, Н. Шабазов, Д.Ғани, Е.Исмагулов, Э.Анарбектер жеңіс тұғырынан көрінсе, қыздар арасында Ф.Сұпығалиева, А.Сизова, З.Өтеген, А.Талыпова, С.Ибатулиналар мықтылықтарын көрсетті.
Мейрамбек Сыдықов
Бөрлі ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
