Ақжайық ауданының орталығына облыс әкімінің орынбасары Серік Егізбаев жұмыс сапарымен келді. Өңір басшысының орынбасары алдымен Ж.Молдағалиев ескерткішінің жанындағы биыл құрылысы басталатын "Жұбан орталығының" жобасымен танысты. Өткен жылы іргетасы құйылған орталықтың құрылысы ақпан-наурыз айларында басталмақ.
Содан соң, Серік Рахметоллаұлы "Өркен" коворкингіндегі жастар арасында жеке тренер Белен Ашимов өткізген "Soft skills XXI ғасыр дағдылары" семинар-тренингіне қатысып, жастармен сұхбаттасты. Әңгіме барысында социалистік және демократиялық қоғамда еңбек еткен маман ретінде өмір тәжірибесімен бөлісті.
Аудан жастарының волонтерлық корпусты қалыптастыру бағытындағы жұмыстарымен танысып, ақыл-кеңесін берді.
Рауан Таңатжанұлы
суреттерді түсірген Азамат Қанапия
Ақжайық ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
