Елімізде орын алған эпидемиологиялық жағдайға орай індеттің алдын алу және Қаратөбе ауданы тұрғындарын аурудан қорғау мақсатында бірқатар шаралар қолға алынуда.
Карантиндік шаралардың күшейтілуіне байланысты Қаратөбе ауданы орталығындағы халық көп шоғырланатын қоғамдық орындарда санитарлық дезинфекциялау жұмыстары жүргізілді.
Аудан орталығында қолға алынған жаппай залалсыздандыру жұмыстарын аудандық ветеринариялық станциясының және Қаратөбе ауылдық округі әкімдігі қызметкерлері бірлесіп жүргізді.
Арнайы қорғаныс киімін киген мамандар халық көп жиналатын мемлекеттік нысандар мен сауда орындарын, аялдамаларды, жаяу жүргінші жолдарын жұқпалы ауруларға қарсы қолданылатын сұйықтықпен залалсыздандырды. Сақтық шаралары алдағы уақытта да жүргізілетін болады.
Серікбай Хасанов
Қаратөбе ауданы
zhaikpress.kz