Румыния астанасы – Бухаресте тоғызқұмалақтан VIII әлем чемпионаты өтті. Ұлттық зияткерлік ойынымызды ұлықтаған дүбірлі додаға әлемнің 14 елінен 80-нен астам спортшы қатысты.
Байрақты бәсекеде ел намысын қорғаған өңір спортшысы Әсет Қайыржанов үшінші орынға ие болды. Бұл – өңірдегі тоғызқұмалақ мектебінің әлеуетін танытқан маңызды нәтиже. Ұлттық ойынымыздың халықаралық аренадағы беделі артып, батысқазақстандық спортшының әлем шемпионатында жүлдеге қол жеткізуі – зор жетістік.
Айта кетейік, Әсет бұған дейін әлем шемпионатында екі мәрте жеңіске жетті.
Түгелбай Бисен,
«Орал өңірі»
