Қаратөбе ауданының әкімдігі шілде айында сегіз автокөлік алуды жоспарлаған. Бірақ ҚР Үкіметінің 2025 жылғы 24 қыркүйектегі №792 қаулысымен енгізілген мораторий бойынша бюджет қаражатын үнемдеу қажет екені әкімдік тарапынан ескерілмеген. Бұл заңбұзушылықты Қаратөбе аудандық прокуратурасы анықтады.
Сурет: istockphoto.com
«Прокурордың наразылығы бойынша мемлекеттік сатып алудың күші жойылып, бюджет қаражатының негізсіз жұмсалуының жолы кесілді. Мемлекеттік мүдделерді қорғау прокуратура құрылымдары қызметінің басым бағыттарының бірі болып табылады», – деп хабарлады облыстық прокуратураның баспасөз қызметі.
Аудан әкімдігі қызметтік көліктерді алу үшін жалпы құны 61,4 млн теңге болатын мемлекеттік сатып алу конкурсын жариялаған.
