Казталов ауданы әкімі тыл ардагерлерінің шаңырағында болды
1 Қазан 2022

Казталов ауданы әкімі тыл ардагерлерінің шаңырағында болды

Бүгін – халықаралық қарттар күні
1 Қазан 2022

Бүгін – халықаралық қарттар күні

Экология министрі БҚО тұрғындарымен кездесу өткізді
1 Қазан 2022

Экология министрі БҚО тұрғындарымен кездесу өткізді

Ақынын ардақтаған Ақжайық
30 Қыркүйек 2022

Ақынын ардақтаған Ақжайық

Подстепныйлық қарияларға құрмет көрсетілді
30 Қыркүйек 2022

Подстепныйлық қарияларға құрмет көрсетілді

Жұмыс тобы Теректіде
30 Қыркүйек 2022

Жұмыс тобы Теректіде

10.08.2022, 13:20
Оқылды: 13872
Қандықол қарақшылардың қолынан қаза тапқан кәсіпкер дәрігерлер отбасында тәрбиеленген

Бүгін Орал қаласында Еркін Мұханғалиевтің үш күндік садақасы беріліп жатыр. Марқұмның асы Асандағы ата-анасының үйінде өтті. Редакция тілшілері ажал құшқан кәсіпкердің ата-анасы мен бауырларына барып, көңіл айтып қайтты.

F92862B4-1656-4597-ABCF-27BE6934EC06

Қаладағы мейрамхана бизнесімен танылған Еркін Мұханғалиевтің ата-анасы кезінде дәрігер болып қызмет атқарған.

Әкесі – Темірғали Мұханғалиев тіс дәрігері болса, анасы – Сара Мұханғалиева фельдшер болған. Өмір бойы медицина саласында қызмет атқарған жандар қазір зейнетте.

3AEF4926-3F25-4837-9748-02151FF78C66

Еркін Мұханғалиевтің ата-анасының үйі

Еркін Мұханғалиев отбасында екінші бала екен. Бір әпкесі, бір інісі бар.

– Бала кезінен еңбекқор болды. Таза жүретін, өте пысық болатын. Қай нәрсені де білуге, үйренуге, ізденуге құштар еді. Сегізінші сыныпты бітірген соң Оралдағы музыкалық училищеде оқыды. Кейін жоғары білім алды. Музыкант, баянда шебер ойнайтын. Спортпен тұрақты айналысты, - деп еске алды әкесі Темірғали ағай ұлының балалық шағын.

DD67D091-7DA1-4CDF-8BC2-61DD31338A52

Бүгін марқұмның үш күндік садақасына туыстары, бауырлары, достары бәрі жиналған.

«Екі ұл бала, бір қыз өсірдік. Еркін үйді жақсы көреді. Үйде тамақ ішкенді ұнатады. Анасына звондап не тамақ бар дейді. Анасы не пісірсе соны рахаттанып отырып ішеді. Біз «бірнеше мейрамханасы бола тұра, бізден келіп тамақ ішеді» деп күлетінбіз», - дейді бізбен сөйлескен марқұмның әкесі.

589F7558-189F-457E-940F-7BE1486360B1

Кәсіпкер Еркін Мұханғалиевтің әкесі

Кәсіпкердің анасы Сара апай да өмір бойы халық денсаулығы үшін жұмыс істеген адам. Ана жүрегі ұлының жоқ екеніне сене алар емес.

F601FE24-2B30-4DBC-9F78-EDF0DF8A90A9

Кәсіпкер Еркін Мұханғалиевтің анасы

– Бәріміздің амандығымызды біліп алаңдап отыратын. Үнемі үйге келгенде мама деп құшақтап сүйеді, кетерде міндетті түрде құшақтап, бетімнен сүйіп кететін. Жасы елуге келсе де солай жасайды. Әкесі мен шешесі ол үшін бірінші орында болды. Түннің бір уағында қоңырау шалып, «ақшаларың бар ма, үйге не керек, мама, сен ауырып қалған жоқсың ба?» деп сұраушы еді. Осыдан артық бізге не керек..., - деп анасы көзіне жас алды.

FE13897A-581E-48B8-96F5-04EB968D52CA

Бизнесмен Еркін Мұханғалиевті ата-анасы қаза боларынан үш күн бұрын көріпті. Ол туралы бізге марқұмның әкесі айтып берді:

– Қайтыс боларынан үш күн бұрын көрдім. Үйге келіп кетті. «Асығыс жүрмін, тек амандықтарыңды білейін деп келдім. Мама, папа өте асығыспын, жұмыс көп ренжімеңіздер дастарханға отыра алмаймын тағы келем ғой» деп екеуміздің бетімізден сүйді де кетті. Сол соңғы көргеніміз екен, - дейді әкесі.

189B6E6D-CC5A-40FF-9207-D270362262AA

Марқұмның ата-анасы «Еркін оқиға болатын күні өз үйінде болды. Ол түнімен жұмыс істейді. Күндіз ұйықтайды. Сол күні Еркінге қоймай телефон шалып, ана жігіттер кафеге шақырыпты. Біз тек соны білеміз», - деп әңгімеледі.

3AAE3E4C-674B-4C3C-B257-7D74F396457B

– Негізі жұмысында жанжал көп болатын. Жұмысы сондай ғой. Оңай жұмыс емес қой. Мен ұлыма неге шаршайсың, босқа жүйкеңді жұқартпа деймін ғой, сонда маған «папа барып, бір күн менің орныма басқарып көрші, сосын көреміз» деп күлетін, - дейді әкесі.

324D985C-377F-45BE-8199-65E680311AFF

Еркін Мұханғалиев көзі тірісінде көп қайырымдылық жасаған.

– Еркін қолы ашық, жүрегі кең азамат еді. Мерекелерде жетімдер үйінен балаларды алдырып, тегін тамақтандырып, мерекелік кеш ұйымдастырып беретін. Ауырып жатқандарға да көп көмектесті. Ақшалай көмегін аямайтын. Бірақ ешкімге айтпайтын. Біз оған «шақырсаңшы телевидениені, түсірсін» дейміз. Баламызды көрсін дейміз ғой. Сонда «жақсылықты айтуға болмайды» деп өзімізге ақыл айтатын, - дейді Сара апай.

E435C832-7DE7-4425-9FB2-12A4A134B505

Еркін Мұханғалиевтің әкесі дәрігер ғана емес, бағбан. Аулада әкесі өз қолымен отырғызған жеміс ағаштары қаулап тұр. Темірғали Мұханғалиев алма, алмұрттың бірнеше түрін егіп, өзі баптайды екен. Әрі ағайдың өз қолымен отырғызып, баптаған гүлдері де аулада жайнап тұр.

69B36301-6BD7-4897-A402-560E2CA1DB80

Естеріңізге сала кетейік, 6 тамыз күні қалада белгілі кәсіпкер Еркін Мұханғалиевті өлтіріп кеткен болатын. Күдіктілер қазір полицияда. Еркін Мұханғалиевтің артында ата-анасы, бауырлары, әйелі және төрт баласы қалды.

Жанат Көшкінбай,

zhaikpress.kz

Фото: Динара Насыр

Узнайте первым о важных новостях Западного Казахстана на нашей странице
в Instagram и нашем Telegram - канале