БҚО бойынша Сыбайлас жемқорлыққа қарсы қызмет білім беру ұйымдарының бизнес субъектілерімен мемлекеттік сатып алу туралы шарттар жасасу кезінде мемлекеттік сатып алу туралы шарт бойынша тауарларды жеткізудің күнтізбелік он бес күнінен аз мерзімдері көрсетілгенін, сол арқылы кәсіпкерлердің құқықтары шектелгенін анықтады.
Фото: rss.plus
«Мемлекеттік сатып алу туралы» Қазақстан Республикасы Заңының 22-тармағының 43-бабына сәйкес тауарларды берудің, жұмыстарды орындаудың, мемлекеттік сатып алу туралы шарт бойынша қызметтер көрсетудің ең аз мерзімі күнтізбелік он бес күннен кем болмауға тиіс.
Өз кезегінде, шартты орындау мерзімінің қысқаруы қосымша шығындарға, сондай-ақ жеткізушілер үшін шартты уақтылы орындамау қаупіне әкелуі мүмкін.
Департамент «Атамекен» ӨКП-мен бірлескен кеңес өткізді, оның нәтижелері бойынша аталған заңсыз практика тоқтатылды, кінәлі адамдар тәртіптік жауапкершілікке тартылды.
