2023 жылдың 16 маусымында сыбайлас жемқорлыққа қарсы іс-қимыл Агенттігінің БҚО бойынша департаментімен Орал «Сервис» технологиялық колледжінің студенттері үшін қоғамда сыбайлас жемқорлыққа қарсы мәдениетті қалыптастыру мақсатында кездесу ұйымдастырды.
Негізгі мақсат - адалдық пен парасаттылық құндылықтарын түсіндіру, сыбайлас жемқорлыққа қарсы мәдениетті қалыптастыру, мемлекет алдындағы жауапкершілік сезімін тәрбиелеу.
Кездесу барысында Ринат Мұратов мемлекет басшысы бекіткен 2022-2026 жылдарға арналған сыбайлас жемқорлыққа қарсы саясаттың негізгі ережелері мен талаптарына тоқталды.
Студенттер мен оқытушылардың қоғамда сыбайлас жемқорлыққа қарсы сананы қалыптастыруға қатысуының маңыздылығын атап өтті. Бүгінгі таңда осы тұрғыда сыбайлас жемқорлық тәуекелдерін анықтауға және жоюға бағытталған бірқатар алдын алу шаралары әзірленіп, қабылданды.
Кездесу барысында студенттер үлкен қызығушылықпен тыңдап қана қоймай, сонымен қатар қолданыстағы сыбайлас жемқорлыққа қарсы заңнамаға қатысты сыбайлас жемқорлық іс-әрекеттеріне қатысты өз сұрақтарына жауап алды.
Егер сізге сыбайлас жемқорлық фактілері туралы белгілі болса, онда сіз тәулік бойы жұмыс істейтін Сыбайлас жемқорлыққа қарсы қызметтің 1424 Call-орталығына хабарласа алатыныңызды есіңізге саламыз.
