Жуырда Жаңақала ауданы әкімі Наурызбай Қадырбайұлы іссапармен Жаңақазан және Пятимар ауылдарында болды.
Алдымен Жаңақазан ауылында орналасқан М.Жүнісов атындағы жалпы орта білім беретін мектебінің күрделі жөндеу жұмыстарын қарап, тексерді.
Одан кейін Пятимар ауылында болып, Пятимар жалпы орта білім беретін мектебінің күрделі жөндеу жұмыстарымен танысып, мектеп ішін толықтай аралап шықты. Айта кетсек, М.Жүнісов атындағы орта мектепке – 215 млн.746 мың теңге, Пятимар орта мектебіне – 422 млн. 274 мың теңге көлемінде қаражат республикалық бюджеттен бөлінген. Іссапар барысында аудан әкімі Н.Қарағойшин мердігермен және жұмысшылармен сөйлесіп, жөндеу жұмыстарына қатысты бірқатар тапсырмалар берді.
Қазіргі таңда аудан көлемінде 6 нысанға жөндеу жұмыстары жүргізілуде. Оған аудан бойынша 236 адам жұмысқа тартылған.
Жанайдар Жұмағұлов,
Жаңақала ауданы
zhaikpress.kz
Батыс Қазақстанның маңызды жаңалықтарын біздің Instagram-дағы парақшамыздан және Telegram арнамыздан алғашқы болып біліңіздер
