Орал орталық мешітінің наиб имамы Бақытжан Сабралиевтің бастамасымен қайырымдылық шара жасалды.
Бақытжан Құралбайұлының отбасы атынан Орал қаласындағы үш жедел жәрдем орталығына, мүгедектер үйіне арнайы барып, қой етінен жасалған сорпаны таратылды. Ауруға қарсы иммунитет көтеруде халықтың дәстүрлі ет-тағамдарының рөлі зор екендігі баршаға аян.
- Қазіргі таңда індетпен ауырып жатқан адамдарға жедел жәрдем қызметкерлерінің еңбектері өте зор. Біздің азғантай ниетімізге разы болып, алғыс айтып жатыр, - деді Бақытжан Құралбайұлы.
Наиб имам сонымен қатар өңір халқына карантин талабын қатаң сақтап, індеттен барынша абай болуды үндеді.
Бұл игі істі жедел жәрдем қызметкерлері мен мүгедектер үйінің ұжымы зор ризашылықпен қабылдады.
ҚМДБ-ның БҚО бойынша баспасөз қызметі
